Hallo Moeder Afrika.
Ek’s Jou kind van n Europese pa.
Afrikaner, volk sonder land
My koning septer in n vreemde hand

Dingaan wou my uitroei.
Die Engelseman het my plaas geskroei
My vel is wit jou wet is swart.
Het jy plek vir my Afrikaner hart.

My helde het laas perd gery.
My vryheid, het ek by De la Rey gekry.
Apartheid het dit uitverkoop.
Het vryheid van my weg geloop?

Refrein

Sal jy antwoord op my roepstem
Kan jy offer wat ek vra.
Bly ek lewe gaan ek sterwe.
Is jy nog my Afrika?

Pietersburg en die ou Transvaal,
Word uit die kaartboek gehaal.
Is dit die lot van my Afrikaner taal?
Sal my woorde op dowe ore val.

My gees is rou my gemoed gebind
Wanneer sal ek rus kan vind
Sal ‘n Boer my weer kom lei.
Sal my septer weer sy pallem kry.

Ek is klaar met die bakleiery.
Wit en swart moet sy vrede kry
Ek will net my vryheid he.
Se my waar my grond nou le?

Refrein

Sal jy antwoord op my roepstem
Kan jy offer wat ek vra.
Bly ek lewe gaan ek sterwe.
Is jy nog my Afrika?

Deur Johan Theunissen 2010-01-11
Alle regte voorbehou

Die einde van 2008 het menigte van ons gewonder en gewag, gehoop en gedroom oor die jaar wat in duister voor ons oopgelê het sou meebring. Baie van ons het uitgesien na dinge wat ons lewens kon verander en draai in `n rigting van positiewiteit en opwinding, ander weer na vrede en rus, ‘hoeveel van JOU drome is bewaarheid?’.

Ons het altyd soveel hoop waaraan ons so bitter graag vasklou en sommige tye glo ons so vas dat hierdie drome ons uitredding sal wees vir wat voorlê en dat as daardie bewaarheid sou word… alles sal wonderlik wees.

Maar wat het God vir jou beplan? Gaan jy daarvan hou en gaan jy bereid wees om Hom te dank vir daardie dinge wat jy nie op jou pad verwag het of wou gehad het nie.

Hoe vêr is ‘jy’ bereid om God toe te laat om jou te verander? Is jy bereid om terug te staan dat Hy Sy werk doen? Ons as mense het alewig hierdie idee dat ons dinge in eie hande moet neem… Ja goed en wel, doen wat jy kan en los die res vir die Vader.  Wanneer jy in `n situasie is waar jy geen uitkoms sien nie, geen hoop sien nie; staan terug, want jy gaan niks verder kan doen nie. Dit is waar God intree en Hy oorneem met wat dit ook al mag wees. Hy kan absoluut niks doen terwyl jy jou wil probeer afdwing nie, wanneer ons iets in Sy hande lê dan beteken dit, God se wil sal geskied! Soos wat Hy dit wil laat geskied!

Leer om terug te staan hierdie jaar, leer om jou vertroue in God te stel dat Hy sal doen wat goed is in Sy oë! En wees dankbaar vir wat Hy vir jou gegee het tot vandag toe.

God verwag dit van jou!

Gustav Müller

                                (I.D. Du Plessis – Land van ons vadere 1945)

Daar is mense wat die volgende gedeelte aanhaal om te se dat die Suidlanders ‘n ’sekte’ is, wat ‘n dwaalleer verkondig, en wat teenstrydig is met die Bybel.

Matt 6 : 25 : Daarom sê Ek vir julle: Moenie julle kwel oor jul lewe—wat julle sal eet en wat julle sal drink nie; of oor jul liggaam—wat julle sal aantrek nie. Is die lewe nie meer as die voedsel en die liggaam as die klere nie? (27) Wie tog onder julle kan, deur hom te kwel, een el by sy lengte voeg? (31) Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie? (32) Want na al hierdie dinge soek die heidene; want julle hemelse Vader weet dat julle al hierdie dinge nodig het. (33) Maar soek eers die koninkryk van God en sy geregtigheid, en al hierdie dinge sal vir julle bygevoeg word. (34) Kwel julle dus nie oor môre nie, want môre sal hom oor sy eie dinge kwel. Elke dag het genoeg aan sy eie kwaad.

As ons egter mooi kyk na wat die Suidlanders doen: die Suidlanders verkondig net dit wat in die land aangaan, in perspektief!  Hulle raai die mense aan om hulself logisties (voedsel, brandstof, ens) voor te berei vir dit wat kom.  Suidlanders probeer JUIS dat die mense nie oor more bekommerd moet raak nie, deur hulself voor te berei.  Dit is so dat party mense paniekerig kan raak sodra hulle besef wat werklik in die land aangaan, maar sodra hulle met ander suidlanders (en ander wat eenders dink) begin praat het, besef hulle daar is geen rede vir paniek nie, maar wel rede tot voorbereiding.

Tesame met dit moedig hulle die mense aan om hulself geestelik voor te berei, want God sal ons nie genadig wees en help en beskerm as ons onsself nie bekeer nie - ons as boere-volk. (Juis dit wat vers 33 se). Dit daar gelaat, anders preek ek nou weer…

Vir diegene wat nog steeds nie wil voorberei nie en nog steeds die Suidlanders beskuldig van ‘dwaalleer’, die volgende. Hulle gebruik bogenoemde gedeelte om hulself te verontskuldig (hulle hande in onskuld te was), en al die blaam en verantwoordelikheid op die Here te plaas. (Dis een van die groot probleme van vandag - mense wil nie meer verantwoordelikheid aanvaar nie). Matt 4:7 Jesus sê vir hom: Daar is óók geskrywe: Jy mag die Here jou God nie versoek nie. Hulle het tereg die waarskuwing gehoor, maar nou ‘versoek’ hulle die Here. 

Toe Israel in Egipte, voor die 10e plaag, moes die pasga hou, hulle deurkosyne met bloed besmeer, en hulself voorberei. Exo 12:11: En só moet julle dit eet: Julle heupe moet omgord wees, julle skoene aan jul voete en julle staf in jul hand; baie haastig moet julle dit eet. Hulle moes na al die Egiptiese bure toe gaan en goud en silwer opeis. Exo 11:2 : Sê tog voor die ore van die volk dat elke man van sy naaste en elke vrou van haar naaste silwergoed en goue goed moet eis. Hulle moes self iets doen, en nie net op God vertrou vir alles nie.

Kom ons kyk na Gideon. Rig 6:6 : En Israel het deur die Midianiete baie arm geword, maar die kinders van Israel het die HERE aangeroep. (11) Toe het die Engel van die HERE gekom en gaan sit onder die terpentynboom wat by Ofra staan, wat aan Joas, die Abiësriet, behoort het, terwyl sy seun Gídeon juis koring uitslaan in die parskuip om dit te beveilig teen die Midianiete. Hy het nie stilgesit nie, maar ook probeer om voorbereidings te maak.  Juis daarom, het God hom raakgesien en genade bewys en gebruik.

Ons kan na Josef en die voorbereidings wat hy namens Egipte gedoen het na die waarskuwing wat God aan Farao deur sy droom gegee het, maar ons laat dit daar…

Slotsom.  God het vir Gustav (en ander) gebruik om ons te waarsku.  Ons kan nou of sit en niksdoen (en God beproef), of ons kan daarop ag slaan en begin om voor te berei - logisties en geestelik!

[Stel julle eer daarin] om rustig te lewe en julle eie sake te behartig en met julle eie hande te werk, soos ons julle beveel het, sodat julle welvoeglik kan wandel teenoor die wat buite is, en aan niks behoefte mag hê nie.

1 Th 4:11-12

Sefanja 1 

:6 Ook die wat van die HERE afvallig word en wat die HERE nie soek en Hom nie raadpleeg nie.

:7 Swyg voor die Here HERE! Want die dag van die HERE is naby; want die HERE het ‘n offer berei, sy gaste geheilig.

:8 En op die dag van die offer van die HERE sal Ek besoeking doen oor die vorste en die prinse en oor almal wat uitlandse klere dra.

:9 Ek sal ook op dié dag besoeking doen oor almal wat oor die drumpel spring, wat die huis van hulle here vul met geweld en bedrog.

:10 En op dié dag, spreek die HERE—hoor! ‘n geskreeu van die Vispoort af en ‘n gehuil van die Nuwe Stad af en ‘n groot gekraak van die heuwels af!

:11 Huil, o inwoners van die Vysel! want al die koopmans gaan te gronde, almal wat geld afweeg, word uitgeroei.

:12 En in dié tyd sal Ek Jerusalem met lanterns deursoek en besoeking doen oor die manne wat dik geword het op hulle afsaksel, wat in hulle hart sê: Die HERE doen geen goed en Hy doen geen kwaad nie.

:13 En hulle rykdom sal geplunder word, en hulle huise verwoes word; en as hulle huise bou, sal hulle dit nie bewoon nie; en as hulle wingerde plant, sal hulle die wyn daarvan nie drink nie.

:14 Naby is die groot dag van die HERE, naby en baie haastig. Hoor! die dag van die HERE! Bitterlik skreeu die held daar.

:15 Dié dag is ‘n dag van grimmigheid, ‘n dag van benoudheid en angs, ‘n dag van woestheid en verwoesting, ‘n dag van duisternis en donkerheid, ‘n dag van wolke en wolkenag,

:16 ‘n dag van basuingeklank en krygsgeskreeu teen die versterkte stede en teen die hoë hoekvestings.

:17 En Ek sal die mense in benoudheid bring, en hulle sal rondloop soos blindes, omdat hulle teen die HERE gesondig het; en hulle bloed sal vergiet word soos stof en hulle ingewande soos drek.

:18 Hulle silwer of hulle goud sal nie in staat wees om hulle op die dag van die grimmigheid van die HERE te red nie, maar deur die vuur van sy ywer sal die hele aarde verteer word; want Hy bring vernietiging, ja, ‘n verskriklike, oor die inwoners van die aarde. 

:1 En die woord van die HERE het tot my gekom en gesê

:2 Mensekind, profeteer teen die herders van Israel; profeteer en sê vir hulle, die herders: So spreek die Here HERE: Wee die herders van Israel wat aan hulleself weiding verskaf! Moet die herders nie die skape laat wei nie?  

:3 Julle eet die vet en beklee julle met die wol; julle slag die vettes, maar die skape laat julle nie wei nie;

In Josua 1 is Josua as leier oor die Israeliete aangestel (in die plek van Moses wat kort vantevore dood is). Die Israeliete het hulle in ‘n posisie bevind wat sekere ooreenkomste het met die posisie waarin die Boerevolk tans verkeer. Sekere beloftes is deur God aan die volk gemaak, hulle het bewyse gehad van die grootheid van God, en steeds het hulle gesukkel om te vertrou op God se voorsiening.

In verse 6-9 kry Josua sy “aanstelling” van God (spesifiek vers 6), en nie minder as drie maal sê die HERE vir Josua: “Wees net baie sterk, en vol moed”. Maar daar is ook ander opdragte, spesifiek “Handel nougeset volgens die Woord (op daardie stadium die Wet van Moses)”. God beveel Josua om dit dag en nag te bepeins, om nie links of regs af te wyk nie. En dan sal “jy met goeie gevolg handel, oral waar jy mag gaan”.

Die belofte is dat jou weë voorspoedig sal wees, en jy sal met goeie gevolg handel. Dit beteken die resultaat van jou handelinge in jou lewe sal goed wees. Kom ons onderneem om, soos Josua, die taak wat God op ons lê, te aanvaar en na die beste van ons vermoëns uit te rig. Om volgens die Woord te handel, dit te bestudeer, en ons lewens volgens die voorskrifte daarin vervat, in te rig.

Die Suidlanders se ontstaan word absoluut gebaseer op geloof in GOD.

Daar is geen twyfel daarin dat ons volk gedruk gaan onder al die geweld en ekonomiese probleme in hierdie land juis as gevolg van die afvalligheid onder ons volk nie.

Het ons stamvaders nie juis uit Europa gevlug as gevolg van die vervolging van hulle geloof nie, was hulle nie dus juis die mees standvastige in hulle geloof nie. Hulle kon net die Roomse kerk aanvaar het, en aangegaan het met hulle lewens, nee…hulle het gekies om om terwille van hulle geloof in GOD eerder alles prys te gee, en na ‘n plek te gaan waar daar niks was, behalwe godsdiens vryheid nie.

Die dinge wat om ons aangaan het ook nie net sommer so ontstaan nie, ons volk se alewige gedwarstrekkery en onderlinge onoplosbare geskille het bygedra dat ons in die situasie geplaas is. Ons afvalligheid en die “gerieflikke Godsdiens” wat so stelselmatig ingebring is in ons midde, het verseker ‘n groot bydraende faktor geword in waar ons, onsself bevind.

In plaas daarvan dat ons die Bybel in sy geheel aanvaar, het ons gegaan en dit so aangepas dat dit ons lewens styl pas. Deut 18: 9 tot 14 “As jy in die land kom wat die Here jou GOD aan jou sal gee, moet jy nie leer om volgens die gruwels van daardie nasies te doen nie” (lees gerus die res tot by vers 14)

Waar God nie deel is van dit wat aangaan nie, sal nooit vrede en welvaart wees nie! Is God in ons regering? Of word die voorvader geeste voor elke parlement sitting “gekonsulteer” (Deut 18:11) Beteken die afgodsaanbidding dan nie juis dat satan in beheer is nie? Deut 32: 16 “Hulle het deur vreemde gode sy ywer gewek; deur gruwels Hom geterg.

17 ”Hulle het aan die duiwels ge-offer, wat nie-God is, gode wat aan hulle nie bekend was nie; nuwes wat kort gelede opgekom het, vir wie julle vaders nie gehuiwer het nie.”

Glo ons Boere volk nog soos ons voorvaders geglo het, of het ons ook maar net weer deel geword van die sekulêre wereld daarbuite? Deut 32: 6 “Durf julle dit die Here vergelde, o dwase en onwyse volk? Is Hy nie jou Vader wat jou geskape het nie; het Hy jou nie gemaak en jou toeberei nie?”

7 “Dink aan die ou tyd, let op die jare, van geslag tot geslag, vra jou vader, dat hy jou dit bekend maak, die ou mense, dat hulle jou sê”)

Gaan kyk hoe het ons stamvaders GOD geken in alles wat hulle aangepak het, hoe hulle daagliks huisgodsdiens gehou het. Die Bybel was die punt waarom hulle lewens gedraai het. Waar het alles verkeerd gegaan, hoekom is GOD nie meer die spilpunt in ons lewens nie?

Ons saak kan slegs besleg word indien ons weer as volk ons self voor GOD verootmoedig, en terugkeer na dit wat HY van ons vra.

As daar een ding is waarvoor ons wel moet jammer sê, dan is dit omdat ons vergeet het om GOD te dien SOOS HY van ons vra!!!

II Kronieke 7: 13 “As Ek die Hemel toesluit, dat daar geen reen is nie, of as Ek die sprinkaan beveel om die land af te eet, of as EK pes onder My volk stuur,

14 “en My volk, oor wie My Naam uitgeroep is, hulle verootmoedig en bid en my aangesig soek en hulle bekeer van hulle weë, dan sal Ek uit die Hemel hoor en hulle sonde vergewe en hulle land genees”

(Gaan lees ook gerus die geestelike afdelings onder www.4him.co.za )