Hierdie bladsy is 'n hulpbron tot voorbereiding in moeilike tye deur die Suidlanders, vir die Suidlanders. Neem asseblief kennis dat dit gereeld opgedateer word, en nuwe lesers word aangeraai om die argiewe deur te gaan van oudste tot nuutste poste. Vir meer inligting oor die Suidlanders, lees die "Suidlanders" bladsy.
Is dit nou toeval, of wat? Net gister noem ons in ‘n bydrae die moontlikheid van ‘n huis wat brand, en hoe voorbereid jy daarop is, en vandag kom ons hierdie artikel teë, oor ‘n Britse paartjie se huis wat aan die brand geraak het, en hulle ondervinding. Die moeite werd om te lees:
My house burnt down and I still don’t know how I got out alive
Die storie illustreer gister se punt pragtig.
In Suid-Afrika is ons alte bewus van wat die gevolge is wanneer ‘n komplekse stelsel daargestel word, en dan vir jare nie aangevul of onderhou word nie (Eskom se kragvoorsieningsnetwerk).
Hierdie berig in die Britse “Guardian” beweer dat die GPS (”Global Positioning System”) stelsel gevaar loop om deur dieselfde lot getref te word. Volgens die berig sukkel die Amerikaanse lugmag (wat die GPS stelsel ontwikkel het en in beheer is van die stelsel) om GPS satelliete te vervaardig, o.a. as gevolg van subkontrakteur probleme.
‘n Verslag aan die Amerikaanse Kongres stel dit dat daar ‘n moontlikheid bestaan dat die stelsel kan begin faal, so vroeg as 2010 reeds, met nadelige gevolge vir beide siviele en militere gebruikers.
Brasiliane het blykbaar ‘n nuwe antwoord vir skakings en roof by verkeersligte - “armoured cars”! Lees hierdie berig oor die nuwe modegier in Brasilië: versterkte voertuie teen geweld en misdaad.
Ek moet sê, ek sal nie omgee om vir ‘n skaker by ‘n verkeerslig die vinger te wys nie, ongelukkig is ons vyand nie gewapen met handwapens nie, maar wel AK47s…
Ons het gerugte ontvang van honde wat op verskeie plekke vergiftig is by woonhuise. Ons vra dat persone wat weet van honde wat vergiftig is ons asseblef in kennis stel sodat ons kan bepaal of daar ‘n patroon is.
Stuur asseblief alle inligting deur op die “Kommentaar” skakel onder aan die pos te klik.
Leser PieterB het vir ons die volgende bydrae gestuur. Baie dankie!
“Ek deel graag my ondervindinge mbt ‘n kamp wat ons omgee groepie gehad het.
Ons het gaan kamp op ‘n plaas in die Vrystaat. Ons is tans besig om te oefen vir onttrekking en toets ook ons groep se graad van voorbereiding. Dit blyk dat ons groepie goed voorbereid is, maar dit lyk nog nie of samewerking heeltemal glad verloop nie. Dinge soos gesamentlik kosmaak, dieselfde kos gaarmaak en selfs etenstye is nog nie lekker uitgesorteer nie. Goed, mens kan seker in ag neem dat ons dit nog sien as ‘n “vakansie wegbreek”. Verder reis ons ook almal baie swaar, want ons het elkeen ‘n swartpot, elkeen ‘n ketel, gasstoof ens, wat ek voel ons sal moet uitsorteer voor die “lang kamp” aanbreek.
Ons het ongelooflik baie reen gehad gedurende ons drie dae kamp, en die volgende is vir my noodsaaklik in sulke situasies:
Indien jy slegs ‘n seil tent het, en dit reen so onophoudelik, begin die klammigheid later van onder af deurslaan. Dit beteken dat al jou bagasie wat op die grond staan, matras ingesluit, nat word. Ons het al op ‘n vorige geleentheid dieselfde reen ondervinding gehad, en met baie swaar reen is slote rondom die tent ook nie voldoende om jou droog te hou nie. Vergeet ook van ‘n opvou kampgrafie. Hulle buig baie maklik om en beteken niks. Koop eerder vanuit die staanspoor ‘n ordentlike graaf.
Sterk winde wat soms met die reen gepaardgaan veroorsaak ook dat alles nie droog bly onder ‘n gazebo nie. Moet dus ook nie daarop staatmaak om jou goed onder die gazebo te wil ophang nie.
‘n Ander probleem met baie reen is nat vuurmaakhout. Jy sal dit wel weer aan die brand kry, maar die rook wat dit maak, laat jou hele tent, en jou klere na ‘n stroois ruik!
Ietsie anders wat ek voel is belangrik met ‘n kamp saam met jou omgee groepie, is dat mens moet leer om jou mede kampeerders in ag moet neem. Moet nie oorneem, as jy sien daar is kanse dat julle eerder kan saamwerk nie. Hou jou kinders in toom, leer hulle van mededeelsaamheid, maar ook om ander mense se goed te respekteer.”
Leser “T” het vir ons terugvoer gestuur oor die aanvalle te Ladysmith wat oor die laaste deel van 2008 ernstige afmetings aangeneem het.
Op 8 Januarie 2009 was daar deur die stadsraad ‘n openbare vergadering gehou om die situasie te bespreek.
Die volgende punte het meer duidelkheid gevestig op die situasie.
Volgens die bogenoemde waar inwoners gevra is om die patrollering van strate te staak kan die afleiding gemaak word dat die stadsraad (en SAPD) geensins die reg op selfbeskerming erken nie. Indien die SAPD die beskerming aan die gemeenskap gegee het wat hulle plig is om te doen, sou die gemeenskap nie self nodig gehad het om op eie onkoste die buurte te patroleer nie. Gemeenskappe moet toegelaat word om betrokke te raak by misdaad voorkoming. Deur gereelde patrolering van woongebiede maak dit vir misdadigers dit baie moeiliker om te beweeg in die teiken gebiede en sodoende kan misdaad bekamp word.
Die Suidlanders is van mening dat dit baie beter is om eerder misdaad te voorkom deur vooruit te dink en te beplan as wat dit is om na die tyd die misdadigers te probeer vervolg. Die enigste voorwaarde wat moet heers is dat die voorkoming van misdaad moet plaasvind binne die voorskrifte van die wet, dit sal dus baie gevaarlik wees indien die gemeenskap self misdadigers probeer aankeer, aangesien daar 99% van die tyd waar die gemeenskap verantwoordelik is vir die aankeer van misdadigers ‘n klag van aanranding teen die lede van die gemeenskap gemaak word. Die beste is dus om eerder die SAPD te kontak (en te hoop hulle sal reageer) indien verdagtes opgemerk word.
Sedert 18 Desember 2008 tot gister 5 Januarie 2009 was daar reeds 10 bevestigde aanvalle op hoe profiel blankes in Ladysmith. Na bewering is daar tot so ver al toegeslaan op eienaars van ‘n gaste huis, fabrieke, IT besighede, hotel eienaar en ander. Wat opmerklik is, is dat al die persone wat geteiken word redelikke hoe profiel blanke persone in die samelewing is.
Na bewering word die persone in die aande by hulle wonings aangeval, die vrouens word verkrag deur meeste van die aanvallers. Die mans en vrouens word baie ernstig aangerand. Dit is duidelik dat die demoralisering van die slagoffers bedoel is om ‘n boodskap van vrees in die gemeenskap uit te stuur aangesien geen een van die slagoffers tot dusver vermoor is nie en die diefstal van goedere duidelik nie die prioriteit is nie.
Die items wat buit gemaak word is minimaal en wil voorkom of dit eerder oppertunisties is. Daar is onder andere rekenaars, selfone, kontant en vuurwapens buit gemaak.
Tot dusver was daar tussen 5 en 7 aanvallers by elke geval betrokke. Hulle is ook opgemerk in ‘n swart Volkswagen Golf met ‘n Gauteng registrasie nommer, ons het egter nie op die stadium die detail rondom die nommer nie.
Volgens ons kennis tot op hierdie stadium was die SAPD geensins in staat om enige vordering te maak met hulle ondersoek na die sake nie.
Ons wil eerstens versoek indien daar mense is wat vir ons meer lig op die onderwerp kan werp om ons asseblief te kontak.
Die Suidlanders in Ladysmith is tans ook besig om prosedures in plek te sit om sodoende die gemeenskap se veiligheid te verbeter.
Indien daar in ander gebiede in die land ‘n soortgelyke opvlam van aanvalle was sal ons waardeer indien u ons daarvan kan laat weet.
Ons wag nog vir ‘n meer volledige verslag en sal dit hier publiseer sodra dit aan ons deurgestuur is.
We have received the following e-mail from Zimbabwe. Remember, 10 years ago they were still making a decent living in Zimbabwe, now things have changed. This is exactly what South Africa will be like within no time if things don’t change soon.
“Terrible, terrible things are taking place in Zimbabwe by the communist thugs that rule the place. the internet is a powerful tool and the only way that this madman and his henchmen are going to be brought to justice is if the whole world gangs up up on them and topples their evil bastion once and for all.
Please forward this everyone you know so it gets around the world in a few days.
|
Wanneer die Amerikaanse regering meer geld in ‘n jaar spandeer as wat hulle inkry (uit bv. belasting ens.), word dit “deficit spending” genoem. In jare wat hul begroting “uitwerk” en hulle minder spandeer, noem mens dit ‘n “budget surplus“. Bostaande geld vir enige regering, nie net die Amerikaners nie.
Wanneer die laaste 200 jaar (of so) se “deficits” (tekorte) bymekaar getel word, en die “surpluses” se totaal afgetrek word, kom mens uit by die “national debt” - die geld wat die Amerikaanse regering skuld (aan bv. ander lande).
Op 7 Oktober is daar in Amerika berig dat die tekort ‘n rekord $493 biljoen is vir die jaar (wat toe pas afgesluit is). Die vorige jaar se tekort was maar $163 biljoen (volgens hierdie berig in die USA Today). Die vorige rekord was $413 biljoen in 2004.
Volgens die US National Debt Clock webwerf (wat rekord hou, uit regeringsbronne, van die totale Amerikaanse regeringskuld), is die VSA (vandag) $10,663 triljoen dollar in die rooi. Die Bush administrasie se bydrae tot hierdie syfer is blykbaar $4 triljoen!
Die webwerf maak die stelling dat die Amerikaanse skuld sedert einde September 2007 teen ongeveer $4 biljoen per dag groei. Maar so 6 weke gelede (7 Oktober) was dit in die nuus dat die “Debt Clock” in New York se strate uit syfers geraak het (dis toe die skuld syfer groter as $10 triljoen geraak het). Dit beteken dat die skuld in die laaste 45 dae met sowat $660 biljoen gegroei het - sowat $15 biljoen dollar per dag!
Onthou dat die Amerikaanse regering NIE die geld wat hulle nou so lekker uitdeel om die finansiële krisis “op te los” nie - dit word gefundeer uit verdere skuld (sleg) of die druk/skep van NUWE geld (ook sleg, vir inflasie). Volgens baie ekonomiese kommentators is die OORSAAK van die finansiële krisis presies dit wat die VSA regering nou WEER doen.
Hierdie berig een week gelede op CNBC beweer dat die totale koste van die ingryping in die mark om die finansiële krisis te ontlont, die VSA nou al ongeveer $4,3 TRILJOEN dollar is - en die regering weier om sekere bedrae bekend te maak. Net vandag berig CNN dat Citigroup met $300 biljoen gehelp gaan word (en ‘n verdere $20 biljoen in kontant).
Ten spyte van die verskillende regering(s) se versekerings dat die wêreld NIE in ‘n depressie is nie (moontlik ‘n ligte resessie), is ons van opinie dat die moeilikheid nog VER van verby is. Die STELSEL is die probleem, die krisis is net ‘n simptoom. En die simptome kom al dekades met ons, dit is net geïgnoreer.
In hierdie lig is dit interessant dat Barack Obama (of een van sy helpers) ‘n stelling maak dat hy (Obama) “sal doen wat nodig is” om die krisis af te weer/op te los. Is hulle ernstig, of is dit net politiek wat gespeel word? Want dan gaan hy die HELE finansiële stelsel waarop Amerika al dekades funksioneer, tot niet moet maak (baie pynvol). Waarskynlik gaan hy net meer geld (of liewer, “geld”) na die probleem se kant toe gooi (soos hierdie berig in News24 aandui), en verder bydra tot die probleem. Terloops, wat beteken “massive spending” in elk geval? Massief gemeet aan dit wat reeds gespandeer is?
Nog ‘n stukkie triviale inligting: die 2007 finansiële jaar (die jaar waarin die tekort $162 biljoen was) se inkomste was $2730 biljoen - oftewel $7.5 biljoen per dag. So die skuld groei nou (tans twee maal) vinniger as wat die Amerikaanse regering geld kan invorder - as jy dit met jou persoonlike bankrekening probeer word jy bankrot verklaar.
Maar dis natuurlik net ons (leke-) opinie, en finansiële adviseurs sal van ons verskil…
Persverklaring- 12 November 2008
Na aanleiding van ‘n gesprek met Gustav Muller (Leier van die Suidlanders) op 11 November 2008, wens ek Johann Le Roux (Onder-Leier van die Suidlanders)die volgende verklaring uit te reik.
Ingevolge die Grondwet Artikel 12 (1)(c) en (e) het elke persoon die reg om vry te wees van alle vorme van geweld van hetsy openbare of private oorsprong en het ons ook die reg om nie op ‘n wrede, onmenslike of vernederende wyse aan kriminele- en geweldsmisdaad onderwerp te word nie.
Wanneer na die per capita syfer gekyk word is dit ook dan baie duidelik dat die blanke groepe sonder twyfel die groep is wat die swaarste gebuk gaan onder geweldsmisdaad. Die brutale wreedheid wat gepaard gaan met hierdie misdade en ook die rassistiese slagspreuke wat daarmee saamgaan wat aan baie van die slagoffers geskreeu word dui daarop dat die blankes geteiken word deur ‘n sekere groep om sodoende daardie groep (Die Blankes) te minimaliseer. Weens die geweldsmisdade teen die blankes sowel as die duidelike onverdraagsaamheid teenoor blankes veral vanuit die sosialistiese kringe is dit duidelik dat hierdie situasie oor die afgelope paar jare baie versleg het en is dit beduidend dat die situasie nog verder gaan versleg. Verlede week het ons weereens gesien hoe ‘n swart lid van die SAPD aan slagoffers van misdaad gese het dat dit tyd geword het dat blankes hulle goed moet pak en landuit moet gaan. Verder was na blanke lede van die SAPD in dieselfde voorval verwys as “honde”. Hierdie is maar ‘n enkele voorval waarna ek hier verwys, maar dit was nie die enigste waar daar haatspraak teenoor die blanke bevolking van die land gemaak was nie.
Die Suidlanders het die gevaar dat die onverdraagsaamheid teenoor die blankes in die land, kan versleg, en kan aanleiding gee tot die massa uitwissing van die blanke groepe, reeds meer as 2 jaar gelede geidentifiseer. As gevolg van die moontlikheid het die Suidlanders ‘n noodplan ontwikkel waarvolgens die blankes vanuit brandpunte kan onttrek om hulle self dan in die platteland, waar daar ‘n beter kans op oorlewing sou wees ten-tye van so ‘n aanslag, te beskerm. Hierdie optrede is dan ook ten volle in lyn met betrekking tot die Gemene Reg wat vereis dat indien iemand sou voel dat sy lewe bedreig word, hy die plek moet verlaat waar daardie bedreiging sou plaasvind.
Die Suidlanders het geensins ten doel om die land te destabiliseer of om enige regering of regerings organisasie omver te werp nie. Die Suidlanders het egter ten doel om alle blankes in te lig van moontlike gevare en om werkbare oplossings te bied om sodanige gevare te vermy. Ons beklemtoon ook dan die feit dat die Leiers Groep van die Suidlanders ons self ten sterkste uitspreek teenoor enige vorm van geweld, of enige onwettige optrede. Inteendeel, ons as Leiersgroep van die Suidlanders verbind ons self daaraan dat ons sonder om te huiwer enige persoon of persone wat hulle self skuldig maak aan enige onwettige optrede onmiddelik aan die nodige owerhede sal rapporteer.
As gevolg van die feit dat die Suidlanders ons self daartoe verbind het om die blankes van hierdie land te beskerm kan ons nie toelaat dat enige individue wat hulle eie doelstellings wil nastreef, deur betrokke te raak by onwettighede, die res van die persone wat op ‘n wettige wyse te werk gaan om hulle eie veiligheid te bevorder, bloot te stel aan vervolging nie.
Ons verwag dat die veiligheids dienste van Suid Afrika die Suidlanders sal ondersoek vir enige bedrywighede wat ‘n negatiewe invloed op die stabilieteit van die land kan he, dit is immers hulle werk en sou hulle dit nie doen nie sal hulle nalatig wees in die uitvoer van hulle pligte. Daarom bevestig die bestuur van die Suidlanders ook dat ons, ons volle samewerking met sodanige veiligheids ondersoeke, indien enige, sal gee aan die betrokke ondersoek eenhede.
Met die kennis dat die geweldsmisdaad in die land lank reeds hand uitgeruk het, en waar ons reeds met van die hoogste moordsyfer sit wat 800% meer is as wat wêreldwyd aanvaarbaar is, vereis die Suidlanders dat die owerhede BAIE DRINGENDE stappe sal neem om werkbare oplossings in plek te stel wat die Burgers van Suid Afrika die nodige beskerming sal bied soos wat ons reg is ingevolge die grondwet. Ons as Suidlanders beskik ook oor kundige persone wat hulle hulp sal aanbied met die evaluering, daarstel en implimentering van die nodige aksies om veiligheid en sekuriteit te bevorder vir ALLE Burgers van die land.
Alhoewel die Suidlanders namens die Blanke bevolking van die land optree, besef ons ook dat die probleem veel wyer strek as net die een bevolkingsgroep. Dit is egter ook duidelik dat ALLE bevolkingsgroepe in Suid Afrika sal baat vind daarby indien daar DRINGEND aandag gegee word aan die oneffektiewe polisiëering en die oneffektiewe regsstelsel waar slegs ongeveer 12% van alle misdaad klagtes aanleiding gee tot ‘n skuldig bevindings.
Die meeste Burgers van die land het lank reeds hoop verloor in die land, die uittog van Burgers na ander lande waar hulle kinders in vreemde tale onderrig moet ontvang is ‘n duidelike bewys hiervan. Dit het tyd geword dat daar prosesse in plek geplaas word om weer die Burgers moed te gee, en wat vir almal weer ‘n toekoms kan verseker in Suid Afrika.
Die Suidlander bestuur