Archive for Mei, 2009

Daar was gister ‘n Suidlander bestuurs vergadering te Klerksdorp gehou. Die Senior Bestuur sowel as alle Provinsiale en Streeks leiers was teenwoordig.

Die vergadering was baie goed bygewoon, elke streek in die land was verteenwoordig deur die meer as 40 top en middelvlak bestuurslede wat die vergadering bygewoon het. Met die rugby wat natuurlik die naweek plaasgevind het, is dit ook ‘n bewys dat die Suidlander bestuur se prioriteite op die regte plek is en dat hulle bereid was om honderde en selfs meer as ‘n 1000 km te reis om die vergadering by te woon.

Die doel van die vergadering was hoofsaaklik die daarstelling van beleid ten opsigte van die Suidlander aksie, sowel as om die rigting te bepaal vir die toekoms.

Die vergadering was deur almal teenwoordig beskryf as ‘n reuse sukses. Bydraes vir die agenda was deur elke streek ingedien en suksesvol bespreek. Hierdie is ook ‘n bewys dat die Suidlanders nou sonder enige twyfel gegroei het na ‘n volwaardige organisasie waar ALLE deelnemers sy insette kon lewer en dat dit in die besluitnemingsproses in ag geneem word. Dit is ook verseker ‘n aanduiding dat die Suidlanders huidiglik op die regte pad beweeg. Daar was op alle besprekingspunte met behoorlike debatvoering ooreenstemmigheid bereik.

Dit is wonderlik gewees om te sien dat die algemene denkrigting deur almal teenwoordig ondersteun was en dat daar geen wesenlike verskille na vore gekom het nie.

‘n Volledige verslag van die vergadering sal ook binne die volgende week op die webblad gepubliseer word.

Die Suidlander bestuur wens dan ook om almal te bedank wat die vergadering bygewoon het, en vir die spangees wat deur almal teenwoordig geopenbaar is.

Ons was geamuseer deur die opskrifte van onlangse nuusberigte, bv. “Cabinet to tackle shock slump“, ekonome se uitsprake oor die meer-as-verwagte inkrimping in die ekonomie (6.5%).  En net in die volgende asem maak hulle uitsprake dat dit binne ‘n kwartaal of so sal draai, en aan die einde van die jaar sal dit met almal baie goed gaan.

Hierdie is dieselfde mense wat heeltyd vir ons vertel hoe robuust SA se ekonomie is, en dat ons nie in ‘n resessie is / gaan wees nie, ens. ens.  Hier by Suidlanders se redaksie wil ons net voorstel dat ‘n meer akkurate nuusberig sal wees “SA Ekonomie verswak meer as wat SOMMIGE verwag“.  Want ons het dit min of meer verwag, en ons verwag nie dat dit binnekort beter gaan gaan nie, nie in SA nie en nie in die wêreld nie.

Warren Buffett, die mees suksesvolle aandelehandelaar ooit, het ‘n goeie riglyn.  Hy reken die BESTE voorspeller van die toekoms, is die verlede.  As ‘n maatskappy in die verlede goed gedoen het (en ander faktore bly konstant), behoort hulle in die toekoms aan te hou goed doen.  As ‘n maatskappy ‘n slegte rekord het, gaan hulle waarskynlik aanhou sleg doen (dit is een van die kriteria waarna hy kyk wanneer hy oorweeg om aandele in ‘n maatskappy te koop).

Ons kan dieselfde toets voor die deur van die ekonome lê:  Wat is hierdie mense se baanrekord?  As hulle herhaaldelik die ekonomie verkeerd “gelees” en voorspellings gemaak het, HOEKOM moet ons hulle nou glo (dat die lig aan die einde van die tonnel binne maande gaan wees).  Is dit nie meer redelik om die ouens te glo wat hierdie insinking voorspel het nie?

Dit is menslike natuur om nie slegte nuus te WIL glo nie, en om aan te hou om te glo wat ons WIL glo.  Maar as ons objektief na die sake kyk, moet ons probeer om die akkurate voorspellings uit te sif tussen al die inligting wat rondgeslinger word.  Al is dit nie wat ons WIL hoor nie.

Ons het die volgende boodskap van die leier van die Suidlanders, Gustav Muller, ontvang (ons plaas dit woord-vir-woord):

Saterdag 18 April was daar `n vergadering tussen myself en die gewese leier van die AWB in die OVS en afgevaardigdes. `n Opvolg vergadering is ook op 09 Mei 2009 gehou. Talle onderwerpe is by die geleentheid bespreek en ook is die Suidlanders se rigting (die daarstelling van fasiliteite, kort en langtermyn om ons mense van hulp te wees) duidelik uitgespel – dat onder andere al ons projekte binne die riglyne van die wet geskied. Dit was ook duidelik vir my gaste hoe ver en goed ons al Nasionaal georganiseer is. Hiermee was hulle beïndruk en het hul volle ondersteuning aan ons toegesê en ook by ons ingeskakel. So staan die Suidlanders se deure nog altyd oop vir ons mense ongeag hul politieke of kerk-assosiasie. U kan u lidmaatskap behou waar u is en steeds deel van ons wees, want eendrag maak mag. Graag wil ek die AWB’s van die OVS welkom heet by ons en my hoop uitspreek dat ons saam ons mense deur hierdie ‘krisisuur’ sal trek!

Oom Doep is dan ook aangestel as een van die Suidlander organiseerders in die OVS. Hy sal ook spoedig aan die ander organiseerders in die OVS en ook ander provinsies voorgestel word.

Gustav Muller

Baking powder is an important ingredient in many recipes, but suffer from a significant drawback – its shelf life is  limited.  On top of its uses in baking, baking powder can also be used as an antacid.

Baking powder can be made from ingredients that, stored individually, has a long shelf life.  The recipe is as follows:

2 teaspoons of cream of tartar
1 teaspoon of baking soda

The following website (wisegeek.com) contains more information on making baking powder.

Ons het ‘n bydrae van leser Francois ontvang.  Francois verwys na die ekonomiese ineenstorting in Argentinië vroeg hierdie eeu (daar is al voorheen in hierdie blaaie daarna verwys).  Die ekonomie het ineengestort en daar was uiters hoë inflasie.

Hy het hierdie skakel gestuur wat help om die situasie daar te verstaan, en wat beskryf hoe om te oorleef in sulke buitengewone ekonomiese toestande.

Dit is belangrik om nie te dink “dit kan nie gebeur nie”.  Dit kan, selfs in die sterkste land in die wêreld…

Dit raak nou al ‘n “cliché” om te praat oor die misdaad situasie en dit wat daar agter is. Maar op die einde van die dag is dit tog belangrik vir gemeenskappe om met mekaar te gesels oor die effek wat misdaad het op elke persoon se alledaagse lewe. Ook is dit al oor en oor bewys dat die regerings instansies nie binne die vermoe is om misdaad in Suid-Afrika hok te slaan nie.

Daarom het dit nou tyd geword dat gemeenskappe self deur hulle eie optrede alles doen wat moontlik en binne die wet is om misdaad die hoof te bied. Dit is ook baie belangriker om eerder inisiatiewe te loods wat daarop gerig is om misdaad te voorkom, as om die skurke te vang na ‘n misdaad gepleeg is.

Dit is in die menslike natuur om te dink dat alles in orde is solank as wat hy of sy gemeenskap nie direk geraak is deur misdaad nie, maar dan wanneer daar wel ‘n misdaad plaasvind in sy direkte gemeenskap, vreeslik geskok te wees, en dan skielik iets te wil doen om dit aan te spreek. Ons moet werklik begin besef dat ons hier in Suid Afrika aan die bo-punt van misdaad statistiek in die wêreld is, ons kan nie net leef as of daar geen direkte bedreiging vir ons gesin is nie.

Die heel beste oplossing wat ons self kan doen is om deur die skakeling met ons direkte mense in ons omgewing Omgee-Groepe te vorm. Hierdie groepe se funksie is dan om op ‘n gereelde basis, met mekaar te vergader en moontlike gevare in ons direkte omgewing te identifiseer, en dan optrede in plek te stel sodat ons daardie moontlike gevare kan aanspreek VOOR dat iemand seer kry.

Sekuriteit is ook nie iets wat jy kan uitkontrakteur en dan daarvan vergeet nie, nee, dit is eerder iets wat ‘n lewensstyl moet word. Jy kan die beste sekuriteit stelsels in plek hê, maar as jy nie daagliks veilig “leef” nie, gaan jy net die alarm hoor terwyl jy beroof, aangerand of vermoor word. Daarom is dit van groot belang dat elke persoon hetsy of jy reeds direk deur misdaad geraak is of nie, betrokke moet raak. Dit is al oor en oor bewys dat wanneer ‘n gemeenskap in hulle eie omgewing ‘n bewustheid kweek vir veiligheid, en almal daarby betrokke raak, dat daardie gemeenskap ‘n baie kleiner kans het om deel te raak van misdaad statistiek.

Die menslike natuur skop natuurlik weer in wanneer daar geen misdaad plaasvind nie, om te dink die bedreiging is verslaan. Dit gee weer aanleiding tot ‘n verslapping van die bewustheids vlak van die mense, en dan gebeur dit wat almal gedink het sal “nooit” gebeur nie.

Ons moet nie net leer om misdadigers af te skrik nie, maar ook om so te leef dat ons nie vir die misdadigers iets ten toon stel wat hulle kan motiveer om ‘n misdaad te pleeg nie. Dit help nie jy dink jy is veiligheidsbewus, maar ry deur die strate met jou voertuig en jou beursie vol kontant, oop en bloot op die sitplak langs jou of in die voorruit van die voertuig nie.

Veiligheid strek dus veel verder as goeie veiligheidshekke, alarmstelsels en ‘n sekuriteitsmaatskappy. Dit begin by verantwoordelike persone wat begin dink en beplan, in groepe saam te werk, en die identifisering van alles wat kan aanleiding gee tot ‘n misdaad en dit op ‘n behoorlike wyse aan te spreek. Onthou ook dat veiligheid nie noodwendig geld hoef te kos nie.

Kom ons streef daarna om nie meer die slagoffers te wees nie, maar deur verantwoordelike optrede ons self en ons gemeenskappe te beveilig.

In Suid-Afrika is ons alte bewus van wat die gevolge is wanneer ‘n komplekse stelsel daargestel word, en dan vir jare nie aangevul of onderhou word nie (Eskom se kragvoorsieningsnetwerk).

Hierdie berig in die Britse “Guardian” beweer dat die GPS (“Global Positioning System”) stelsel gevaar loop om deur dieselfde lot getref te word.  Volgens die berig sukkel die Amerikaanse lugmag (wat die GPS stelsel ontwikkel het en in beheer is van die stelsel) om GPS satelliete te vervaardig, o.a. as gevolg van subkontrakteur probleme.

‘n Verslag aan die Amerikaanse Kongres stel dit dat daar ‘n moontlikheid bestaan dat die stelsel kan begin faal, so vroeg as 2010 reeds, met nadelige gevolge vir beide siviele en militere gebruikers.

Ons het die volgende bydrae van leser Chris ontvang.  Ons plaas dit verbatim (dankie Chris):

Ek wil graag so ‘n paar idees vir medisyne gee wat goedkoop en effektief is, en tog geen noemenswaardige “side effects” het nie. Siende dat dit nou die tyd van die jaar is wat baie mense verkoue kry, kan ons sommer al begin om sulke medisynes te toets.

Kaneel: Min mense weet dat kaneel baie goeie antivirale eienskappe het. Party mense sal dalk die “one day flu cure” medisyne ken wat relatief goedkoop is en in ‘n groen en bruin boksie beskikbaar is by omtrent alle apteke en meeste inkopieswinkels wat vitamienpille ens. verkoop. Hierdie “one day flu cure” is basies net kaneel wat in alkohol opgelos is. Ek vermoed dat die droee kaneel poeier wat op pannekoeke gestrooi word net so ‘n effektiewe medisyne vir verkoue en griep behoort te wees indien genoeg daarvan geeet of afgesluk word?

Borrie: Borrie, (turmeric in engels) is die geel poeier wat graag in kerry disse gebruik word en baie mense is van mening dat dit ook baie goeie antivirale eienskappe het.

Cayenne Peper: (die soort rooi peper wat die meeste brand) is bekend as ‘n amper ongelooflike bloed suiweraar. As ‘n mens ‘m nat hoes het, dan is hierdie verseker een vn die beste “hoes medisynes” wat ek van weet. Meng so 2 teelepels cayenne peper met ‘n kwart glas water en sluk so vinnig as moontlik af. Dit kan maklik vyf keer ‘n dag gedoen word totdat die slym weg is. Dit het vir my persoonlik nog altyd baie goed gewerk- sommer na die eerste keer elke keer. Ek het ook al gehoor dat cayenne peper saam met borrie, wat eenmaal per dag geneem was, mense se spatare totaal genees het.

Knoffel: Baie mense weet dat knoffel gesond is- as dit tog net nie vir die slegte reuk was nie. Wat min mense besef is dat die sterk aktiewe bestandeel in knoefel wat Allicin genoem word, baie onstabiel is en vinnig afbreek. Allicin word geaktiveer of vrygestel wanneer knoffel gepers of gekou word, en breek dan binne omtrent ‘n uur af. Knoffel wat ‘n mens koop wat klaar gemaal is het dus omtrent geen meet Allicin in nie. Dit is dus die beste om heel knoffel te koop, en dit te pers en op ‘n mens se kos te gooi net voor dat ‘n mens dit eet. Vir die wat siek is en baie braaf is kan die huisie sommer gekou word. Te veel knoffel is egter nie geod vir ‘n mens se gesondheid nie, en die slegte reuk wat ‘n mens begin kry van te veel knoffel behoort ‘n waarskuwing te wees. As ‘n mens knoffel kan kry wat jy self kan plant sal dit goed wees in die bos. Blykbaar hou die knoffel plant baie peste van groente tuine af weg.

Colloidal Silver: Daar is al voorheen hiervan geskryf op hierdie webblad so ek gaan nie hierop uitbrei nie.

As iemand van nog raad het, of sien dat ek dalk ‘n fout iewers gemaak het, laat weet my gerus. My epos is chris_m(at)tuks.co.za (vervang net die (at) met ‘n aapstert teken). As daar dalk enige iemand is wat al met die “Beck Protocol” of ander elektroniese medisyne te doen gehad laat, kontak my asseblief. Ek sal graag van julle wil hoor aangesien ek dit bou maar nog nie regtig kon toets nie.

Die amptelike (WHO) H1N1 griep-syfers is tans omtrent 6500 gevalle in 33 lande.  Sover is die sterftesyfer rondom 1-2%, wat die griep minder gevaarlik maak (soos wat griepvirusse gaan).  Die H5N1 griep (voëlgriep) het ‘n stertesyfer van rondom 70%, maar dra nie maklik van mens tot mens oor nie.

Kenners reken ook nou dat enigiets tussen 6000 en 32000 Mexico burgers die griep opgedoen het voordat hulle dit as H1N1 ge-identifiseer en begin gevalle tel het.

Die situasie is die moeite werd om dop te hou, omdat sommige dokters verwag dat die griep moontlik kan muteer of kombineer met H5N1, en ‘n maklik oordraagbare, dodeliker virus vorm.

Soos vroeër genoem, dink ons glad nie dat die sogenaamde “bank stress tests” ‘n werklike “worst case scenario” daargestel het nie.

In hierdie onlangse berig op Bloomberg.com word genoem dat huispryse in Amerika NET IN DIE EERSTE KWARTAAL reeds 14% geval het.  Dit is die syfer wat vir die basislyn toets vir die hele 2009 daargestel is.  Die slegste omstandighede wat voorsien is, was 22% val in 2009.

Dit is dus vroeg in die jaar reeds duidelik dat die “worst case scenario” die realistiese een is (indien dit nie erger gaan wees nie).