Navrae wat aan hierdie webblad gerig word aangaande omgee-groepe, word so ver moontlik na persone in die betrokke area gestuur om opgevolg te word.  Daar is egter nie in alle areas ‘n omgee-groep (waarvan ons bewus is) nie.

Daar word baie kritiek uitgespreek oor mense wat navrae het en nie opgevolg word nie, en onlangs ook oor die VAPs (wat nie sekere areas dek nie).  Dit is belangrik om kennis te neem dat AL die Suidlander werk deur vrywilligers gedoen word.  Het JY al aangebied om ‘n VAP te gaan beman in geval van krisis?

As jy nie kontak kry met ‘n omgee-groep nie, STIG een (al is dit net jou en jou familie).  Gee terugvoer aan Naomi of die na hierdie bladsy met jou kontak detail, dan kan ons dalk JOU nommer vir belangstellendes in jou area gee.

Verder is daar nou weer (na ‘n lang stilte) gereelde Suidlander Funksies (met BAIE positiewe terugvoer), hierdie funksies word aangevra deur individue of groepe in die betrokke areas, en ‘n verteenwoordiger kom praat dan met die groep.  Onlangse funksies sluit in Zeerust, Pietersburg, Secunda, Witbank, Nelspruit, en Bloemfontein.  Indien jy ‘n Funksie wil reël, laat ons weet.  Funksies is al gehou met net 15 mense teenwoordig, maar onthou asseblief dat brandstof duur is en die verteenwoordiger ‘n vrywilliger is (meeste organiseerders van funksies bied aan om die brandstofkoste te dek vir die verteenwoordiger).

Leser LindaV beveel die boek “The Sheltering Desert” deur Henno Martin aan, uitgegee deur AD.DONKER/PUBLISHER.  Dit is ‘n verhaal van oorlewing in die Namib-woestyn.

Uit die vorige leidraad het ons drie letters gekry. Onthou, hierdie is die “Boerehelde” skattejag, so die eerste leidraad het iets met ‘n Boereheld te doen gehad (so weet jy jy is op die regte pad). Hierdie letters moet nou verwerk word om die koordinaat van die tweede tussenpunt te verkry.

Kom ons noem hierdie letters A, B en C. Verkry nou die syferwaardes vir hierdie letters (A=1, B=2, J=10, O=15, T=20 ens). Ons gaan verder met die syfers werk (toemaar, daar sal ‘n voorbeeld volg).

Maak w die syferwaarde van letter 1.

Maak x die waarde van (syferwaarde van letter 1 - syferwaarde van letter 2).

Maak y die helfte van die syferwaarde van letter 2.

Maak z ‘n kwart van die syferwaarde van letter 3 (d.w.s. letter 3 gedeel deur 4).

Die koordinaat waar die tweede leidraad gekry kan word, is:

25 xx’x8.yx” S 28 w’yz.6y” E

Voorbeeld: Kom ons sê die letters was HFP. Dan is die syferwaardes 8, 6 en 16. w = 8. x = 8-6 = 2. y = 6/2 = 3. z = 16/4 = 4. Die voorbeeld koordinaat is dan 25 22′28.32″ S en 28 08′34.63″ E. Let wel dis net ‘n voorbeeld!

By hierdie punt (dis nodig om ‘n te parkeer en so ‘n klein entjie te stap) sal jy iets vind wat ‘n tweede held in ons geskiedenis herdenk. Jy sal weet jy is op die regte plek as ‘n standbeeld van die persoon vir jou kyk (met medaljes op die bors). Hierdie persoon het ‘n leuse gehad wat uit die Bybel kom, dit staan laer af geskryf. Die Skrif-verwysing bevat 3 syfers, dit is leidraad nommer twee (as die verwysing bv. 2 Kronieke 7:14 is, is die tweede leidraad die syfers 2, 7 en 14).

Die Secunda Suidlanders funksie sal plaasvind soos volg:

Datum: Saterdag, 31 Mei

Tyd: 11h00 (11-uur in die oggend)

Plek:  Hervormde Kerksaal, Rissik straat

Die Witbank Funksie is op dieselfde dag:

Datum: Saterdag, 31 Mei

Tyd: 18h00 (6-uur in die aand)

Plek:  Kontak Naomi op 0728737005

As jy bereid is om effens moeite te doen, is daar baie energie-effektiewe maniere om kos gaar te kry. Een van hierdie maniere is die “Wonder Box cooker” - dis ‘n materiaal isolator lyk soos twee “bean bags”. Mens kan die goed koop of self maak, sien hierdie webwerf vir meer detail.

Die kos (bv. ‘n bredie) word tot kookpunt gebring en dan in die “Wonder Box” geplaas en toegemaak. ‘n Paar uur later is die kos gaar (gewoonlik langer as wat dit normaalweg op ‘n stoofplaat gekook word). Oorskiet in die pot kan teruggeplaas word in die “Wonder Box” en vir die volgende ete gelos word (dit sal steeds warm wees).

In samewerking hiermee kan ‘n eenvoudige alkohol stofie gemaak word. Etanol of isopropiel alkohol kan gebruik word (pasop vir metanol, maar dit kan ook gebruik word). ‘n Goedkoop rol toiletpapier se karton rol binnekant word uitgehaal, die rol word saamgedruk en in ‘n blik gedruk (bv. ‘n lekker stewige groot blikkieskos blik - omtrent een liter blik). ‘n Halfliter of so alkohol word oor die toiletrol gegooi. Die blik word binne-in ‘n 5 liter verfblik geplaas (druk gate in die verfblik sodat lug kan sirkuleer).

Die alkohol-deurdrenkte toiletpapier word aan die brand gesteek, blykbaar brand ‘n halfliter alkohol vir op tot 8 ure. Die pot of pan word bo-op die verfblik geplaas. Die vlam is mooi skoon.  Verkieslik moet die alkohol-stoof uit die wind gehou (verseker dat die hitte-oordrag na die pot/pan goed is).

Indien enigiemand hierdie patent wil uitprobeer en terugvoer gee, sal ons die terugvoer hier plaas.

Hier is die eerste leidraad in die Suidlanders se eerste GPS-skattejag…

Die ko-ordinate vir die eerste leidraad is:

25º40′07.8″ S 28º00′45.2″ E

By hierdie punt, kyk reg suid. Dit is ‘n ingang net af van die pad af. Oor die ingang is daar ‘n bord met ‘n naam (drie woorde). Die inligting om te versamel is die eerste letters van die drie woorde. Byvoorbeeld: As die naam “Jan Smuts Museum” is (dit is nie), dan is die leidraad “JSM”. Hierdie letters gaan in die volgende leidraad gebruik word.

Die Suidlander Funsie vir die Brakpan omgewing sal ongelukkig nie soos beplan op 27 Mei 2008 kan plaasvind nie as gevolg van die feit dat ons nie ‘n groot genoeg saal kon kry om al die belangstellendes te akkommodeer nie. Ons wens asb ‘n versoek te rig dat enige persoon wat ‘n saal of fasiliteit kan beskikbaar stel vir volgende week 03 Junie 2008, om ons te kontak by johann(aapstert)suidlanders.co.za

Die funksie wat gehou was op saterdag 24 Mei 2008 in die Nelspruit omgewing was bygewoon deur persone uit die volgende gebiede: Nelspruit, Waterval Boven, Witrivier, Steelpoort, Ngodwana, Bethal, Sabie, Graskop en Witbank.

Baie dankie aan die persone wat betrokke was by die reelings, en ook aan die mense wat bereid was om hulle saterdag op te offer om die funksie by te woon.

Ons is van mening dat die funksie baie suksesvol was en dat almal teenwoordig met ‘n meer geruste hart daar weg is.

Ons het die bestellings inligting van PieterB ontvang vir die boek “Hoe om te oorleef in die stad en in die veld”, geskryf deur Ina Magdalena Booysen. Die boek kan bestel word van Jannie Spangenberg, sy e-pos adres is judahe(aapstert)vodamail.co.za

Ons is amper gereed om ons eerste navigasie-skattejag (”geocache”) af te skop! Ongelukkig vir die Kapenaars gaan hierdie een in Gauteng afspeel (Pretoria omgewing). Die tema van die skattejag sal “Boerehelde” wees. Hou hierdie spasie dop vir die eerste leidrade.

Die skattejag sal vereis dat die skattejagter 3 bestemmings sal moet besoek. Op elk van die eerste twee bestemmings sal leidrade gevind word wat, saam met die aanwysings, die derde en finale bestemming sal openbaar. ‘n GPS sal nodig wees om die leidrade te volg. ‘n Gewone padvoertuig sal voldoende wees om die skat te vind.

Die idee is om die skat te gaan op-eis, en te vervang met ‘n soortgelyke skat vir die volgende jagter. Skattejagters moet voorberei deur ‘n “skat” ter waarde van tussen R100 en R200 gereed te hê om die skat wat hulle op-eis, te vervang. Die skat sal in ‘n staal trommeltjie weggesteek wees, wat ongeveer 300mm x 250mm x 150mm groot is. Daar sal ‘n logboek en pen in die trommel wees en suksesvolle jagters word versoek om die datum, hulle naam, beskrywing van die opgeeisde skat en die vervanging-skat te log. Die trommel sal gereeld nagegaan word om die vordering te meet.

Die skatte moet verkieslik Suidlanders-geörienteer wees (asseblief, NIE 10 blikkies boeliebief nie!). Gebruik verbeelding en maak dit lekker vir die volgende jagter. Nog voorbeelde van slegte skatte sal wees enigiets wat onwettig is, of ‘n lisensie benodig (dus geen ammunisie, of gekopieerde sagteware of videos), terwyl goeie skatte sal wees boeke (bv. kampresepte), DVDs (soos bv. 4×4 DVDs), kampeertoerusting, 4×4 toerusting, ens. Onthou die afmetings van die trommeltjie!

Ons doen ook ‘n beroep op Suidlanders in verskillende gebiede om hul eie navigasie-skattejagte aan die gang te sit. Stuur ‘n e-pos met die detail, dan plaas ons dit (’n skattejag hoef nie veelvuldige bestemmings te hê nie). Noem asb. as die skattejag ‘n 4×4 voertuig vereis.